Eftir svolitla umhugsun er ég á því að eftirfarandi fjórar plötur eru uppáhalds:

Bon Iver – Bon Iver
Girls – Father, Son, Holy Ghost
M83 – Hurry Up, We’re Dreaming
St. Vincent – Strange Mercy

Bon Iver - Bon Iver

Girls - Father, Son, Holy Ghost

M83 - Hurry Up, We're Dreaming

St. Vincent - Strange Mercy

8. ágúst flutti ég til Svíþjóðar með Jafet og Oddi og hóf nám við Háskólann í Skövde. Ég er að læra tölvunarfræði en Jafet og Oddur eru að læra “Web Development”. Við búum í 300m fjarlægð frá skólanum í 3. herbergja, tæplega 50 fermetra íbúð. Það er nokkuð þröngt en við höfum það alveg ljómandi ágætt :)

Norra Trängallén 1 - Við búum í íbúðinni á fyrstu hæð til hægri þar sem er búið að draga fyrir þrjá gluggana

Fyrstu þrjár til fjórar vikurnar í íbúðinni héldum við til á loftdýnum og dagarnir fóru að mestu í að skoða bæinn og ganga frá ýmsum hlutum eins og kennitölu. Við nýttum líka góðan tíma í að skipuleggja hvernig við ætluðum að innrétta íbúðina og teiknuðum hugmyndir upp í SketchUp forritinu frá Google.

Það kom síðan að því að farangurinn minn kom til Varberg með Samskip frá Íslandi. Þá leigðum við flutningabíl af Statoil og tókum heilan dag í að keyra frá Skövde til Varberg með viðkomu í IKEA í Gautaborg. Í IKEA tókst okkur að eyða nokkrum kílóum af sænskum krónum í fjall af bylgjypappa sem við tróðum í bílinn. Ferðin var þó ekki óhappalaus en við villtumst á heimleiðinni þegar við gerðum ráð fyrir að þjóðvegurinn milli Gautaborgar og Stokkhólmar lægi í gegnum Skövde :P. Við vorum því komnir langleiðina til Örebro í myrkrinu sem er í um 150km fjarlægð frá réttum áfangastað.

Við gerðum þá snilldar fjárfestingu að kaupa hjólakerru á útsölu í íþróttaverslun hér í bænum… Kerruna fengum við á 300SEK (1300 var upphaflega verðið) og hefur hún verið notuð til að flytja sjónvarp, eldhúsborð og sófa sem við höfum keypt á hinu sænska barnalandi (blocket.se)… Við tökum hana alltaf með þegar farið er að versla í matinn, auk þess sem hún var nokkrum sinnum notuð sem eldhúsborð á meðan við bjuggum á gólfinu.

…Annars er bara það að frétta að skólinn fór strax á fullt, hér er önnin skipt í tvær lesperíódur þannig að ég er alltaf bara í tveimur áföngum í einu og tek próf á miðri önninni. Ég keypti mér rúmlega 20 ára gamalt götuhjól sem ég nota mikið… og svo gengur sambúðin hjá okkur félögunum alveg ljómandi vel… Hér er allt rusl flokkað, við eldum kvöldmat á næstum hverjum degi :) og svo glápum við að sjálfsögðu á enska boltan saman um helgar :)

Hér eru ýmsar myndir… Á campus kortinu er húsaþyrpingin sem við búum í við rauða punktinn lengst til hægri… Hér er hægt að sjá loftmynd af svæðinu.

Arcade Fire – The Suburbs
Beach House – Teen Dream
Deerhunter – Halcyon Digest
Vampire Weekend – Contra

Beach House - Teen Dream

Arcade Fire - The Suburbs

Deerhunter - Halcyon Digest

Vampire Weekend - Contra

Hugmyndin er að gera stuttan sketch sem fjallar um kvikmyndaáhugamann sem verður fyrir leiðinlegri lífsreynslu þegar hann gerir tilraun til að horfa á þrívíddar-kvikmynd :)

Við lok verksins

Stóra verkefni sumarsins fólst í að helluleggja, en við pabbi tókum okkur til og hellulögðum norðurhliðina í Háhæðinni. Þessi hlið hússins hefur alltaf verið mjög ílla hirt um. Frágangurinn á hellulögninni sem var lagður fyrir um 16 árum (að ég geri ráð fyrir), var ekki nógu góður og allt orðið vel loðið af mosa og grasi.

Við þurftum að rífa upp allar hellurnar sem voru þarna fyrir, grafa síðan vel undan þeim og öllu í kring. Setja nýjan sand… stilla af, þjappa og slétta sandinn, þrífa gömlu hellurnar og leggja þær niður aftur, dúkaleggja til að skilja vel á milli þar sem átti að vera sandur á móti möl/mold, múra saman kantsteininn og steypa meðfram honum. Grafa niður hólka og steypa í þá festingarnar fyrir timburkantinn, losa okkur við gríðarlegt magn af gömlum hellum sem ekkert not var fyrir, hlaða steinum í steinabeð, taka til í ruslaskemmunni og þrífa hana, steypa og ganga frá í kringum safnhauginn o.s.frv…

Efniskostnaðurinn við þetta verk var fyrir sand og möl, steypu, timbur, bensín/olíukostnað, leigu á þjöppu í hálfan dag og nokkur verkfæri. Við notuðumst við gömlu hellurnar sem við tókum upp auk kantsteins sem ég hirti úr holtagörðum þegar ég var að vinna hjá “Hellur & Jörð” sumarið 2008. Þegar þetta er tekið saman þá kostaði þetta sáralítið vegna þess að stærsti efniskostnaðurinn og starfskrafturinn var ókeypis.

Ég reyndi eftir fremsta megni að “documenta” þessa vinnu með ljósmyndum. Hægt er að smella á myndirnar til að stækka þær og fletta með örvunum á lyklaborðinu.

Verkinu er þó enn ekki alveg lokið því við eigum eftir að hækka timburkantinn en þar á að vera moldarbeð. Planið er að klára það næsta vor.

Birkir - Nafnspjald

Ég er því skráður sem margmiðlunarfræðingur í símaskránni, en einnig skráði ég bæði veffang og netfang eins og sjá mér hér

En það var nefnilega nafnspjald sem ég var að vinna að sem kom þessu ákvörðunarferli í gang, enda fannst mér alveg nauðsynlegt að hafa einhvern starfstitil á nafnspjaldinu.
Nafnspjaldið er í stíl við heimasíðuna… og núna vantar mér bara að finnan einhvern þokkalega ódýran og góðan aðila til að framleiða þessa snilld fyrir mig, svo ég geti verið með fullt veski af nafnspjöldum :)

birkir.is - Sprite

CSS-sprites er tækni í vefhönnun sem felur í sér að sameina margar myndir í eina. Þetta er gert bæði til þess að minnka heildar-stærð mynda sem notaðar eru í útlit heimasíðunnar og til að fækka svokölluðum HTML-Requestum… með þessum hætti verður síðan léttari fyrir notendur.

Hlekkir á heimasíðum taka gjarnan breytingum þegar músinni er rennt yfir þá (hover), með þessum hætti fær notandinn svörun við það sem hann er að gera á heimasíðunni og síðan virkar líflegri… Í valmyndum á heimasíðum eru gjarnan notaðar myndir í stað texta og þegar músin er færð yfir myndirnar tekur myndin breytingum (birtist ný mynd). CSS-kóðinn fyrir slíkan takka myndi eflaust lýta einhvernveginn svona út.

a#takki {
display: block;
height: 30px; width: 30px;
background-image: url(images/takki-normal.jpg);
}
a#takki:hover {
background-image: url(images/takki-hover.jpg)
}

Gallinn við þetta er hinsvegar sá að í fyrsta skipti sem notandinn rennir músinni sinni yfir takkan þá verður töf áður en nýja myndin birtist því hún þarf tíma til að hlaðast…
Hér kermur CSS-Sprites tæknin að notum. Við búum til eina mynd sem inniheldur báðar myndirnar og breytum bara staðsetningunni á myndinni í bakgrunninum.

a#takki {
display: block;
height: 30px; width: 30px;
background-image: url(images/takki.jpg);
background-position: top center;
}
a#takki#hover {
background-position: bottom center;
}

Hægt er að nota orðin “top, bottom, left, right og center” til að staðsetja myndina en einnig er hægt að vera nákvæmari og nota “pixla”- gildi.

Sjálfur nýtist ég við þessa tækni á heimasíðunni minni… en með henni tókst mér að minnka heildarstærð mynda úr 254KB í 190KB og fækka HTML-Requestum úr 25 niðrí 5… Ég bjó til tvær myndir, eina fyrir gegnsæjar myndir “.png” og aðra fyrir rest “.jpg” Hér er hægt að sjá myndirnar: Sprite1 og Sprite2 …

Þetta gerði ég líka á heimasíðu Tónlistarþróunarmiðstöðvarinnar en ég hafði tekið eftir því að þegar fólk heimsótti síðuna í fyrsta skipti og renndi músina yfir “UM TÞM” takkann þurfti það að bíða eftir undir-valmyndinni enda þær myndir að hlaðast niður í fyrsta skiptið… Ég gerði alla valmyndina að einni mynd og útkomuna má sjá hér: tonaslod-navigation.

Margar stórar heimasíður nýta þessa tækni til að spara “bandbreidd” og það getur verið spennandi að skoða þessar myndir, hér má sjá nokkrar: Google, Facebook, Facebook2, Amazon.

Einnig er vert að minnast á forrit sem ég nota til að aðstoða mig við að búa til þessi sprite (fyrir utan Photoshop) en það er að finna á slóðinni SpriteMe.org og er javascript forrit.

Hér má einnig finna ágætis myndband um þetta á CSS-Tricks.